De droite justise

Pour ce que li benoiez saint Loys sentoitbien que honesté est ' agréable as beneoiz angles, pour ce vesqui il en tout le tens de sa vie en très honeste manière, si com il apert ici. Car toute honesté fu en lui qui onques pot estre en nul homme marié, en tant que mon seigneur Pierres de Loon/, qui fu son chevalier et longuement demorant avecques lui par xxxviij ans ou environ et fu son chambellen et couchant a ses piez et le deschauçoit et li aidoit a entrer en son lit, si comme seulent fere les serganz des nobles seigneurs, par XV ans ou environ, ne pot onques veoir la char de cel benoiet roy fors les piez et les» mains, aucune foiz seulement jusques au gros de la jambe quant il li lavoit les piez, et le bras quant il se fesoit saignier, et sa jambe quant ele estoit malade; car nule foiz nul n'aidoit au benoiet roy quant il se levoit de son lit, ainçois se vestoit par soi seuH et chauçoit, et ses chambellens li ordenoient ses robes des le soir a près son lit, et ensement sa cliaiicemente , et ces choses il prenoit par soi seul et se vestoit, si coiii il est dit desus. Avecques ce li benoiez rois fu merveilleusement courtois, si que l'en nooit nule foiz nule lede parole ne d'injure issir onques de sa bouche; ne nule foiz il ne blamoit nul ne de nului ne disoit parole de detraction, ne l'en ne veoit onques en lui nul vilain let. Avecques tout ce li benoiez rois avoit en lui atemprance en son port et en ses paroles, en abit, en boivre et en mengier et avoit humilité en soi sanz orgueil et sanz arrogance. Li diz mes sires Jehans de Soisi, chevaliers, homme de meur aage et moût riche, qui fu avec le benoief roy par xxx anz prochains devant sa mort ou environ, et il demora neis jusques a sa mort et qui avecques lui demoura moût priveement et commença a estre avecques le benoiet"' roy el tens de sa joenece ou environ, juré afferma par son serenient que il ne vit onques ne n'oy que il feist nules jolivetez ne que il se mellast de nul gieus deshonestes, ne que onques il ne le vit jouant a hasart ne a gieus semblables. Ne onques û n'oy que il lust diffamé de nul let crime de fornicacion ou d'avoutire ou d'autre lede chose, et afferma encore par son serement que il ne croit pas que homme trespassast de cest siècle cl roiaume de France puis Ix ans passez, de meilleur conscience ne de gregneur purté; ne /il ne vit onques en lui ne n'oy de lui fors bien en touz fez et en touz diz.

Mon seigneur Jehan de Joinville, chevailler, home de meur aage et moût riche, qui lu avecques le benoiet roy par xxxiiij anz et plus, assez priveement et de sa mesniee, par son serement afferma que il ne vit onques ne n'oy que li benoiez rois deist a aucun d'autrui parole de detraction en mauvese manière ou en blâme de lui. Ne onques il ne vit homme plus atempré ne de greigneur perfection de tout ce qui pooit estre veu en homme, que li benoiez rois fu et que il croit que il soit en Paradis pour pluseurs biens que il flst, et croit que il fu de si grant mérite que Nostre Sires doit bien lere miracle pour lui. De rechief mon seigneur Gui dit le Bas, homme de meur aage et moût riche, qui fut moût lonc tens avec le benoiet roy, afferma par son serement que pour pluseurs bonnes oevres que il li vit lere, il ne croit pas que nul religieus homme soit ou ait esté meilleur homme de lui, et que il ne vit onques ne n'aperçut que li diz benoiez rois ait fet ou consenti chose par quoi pechie mortel fust fet, et que il croit que il soit saint pour les bonnes oevres de charité, d'umilité et de pitié que il fist en ceste mortel vie. De rechief Pierres de Chambli, homme de xl ' ans ou environ et moût riche, qui commença a estre avec le benoiet roi assez tost puis que il revint d'outre mer, a celé foiz que il passa premièrement, et fu demorant avecques lui des cel tens jusques au tens de sa mort, si comme li diz '" Pierres dist en sa deposicion, et encore demoroit il avecques lui el tens de sa mort, qui fu moût ses familiers et moût ses secrez, afferma par son serement, quant il ot moût de fez recitez des vertuz de cel meesme benoiet/ roy qui sont descriz en leur liexS" convenables en ceste présente oevre, que, par ces choses et par moût d'autres que il vit en lui et connut, il croit que li diz benoiez rois fu le meilleur homme que il onques eust veu pour la saintee de la vie que il li vit mener. De rechief, il li vit fere et soulrir moût d'astinences, de veilles, d'aspretez et penitances, et volt touzjors bien et tist, tant comme li diz' Pierres vit, et eschiva le mal. Et neis les Sarrazins le tenoient pour bon homme et loial.

Quant li benoiez roys fu avecques les autres pris et demorant en la chartre des Sarrazins et sa pes fu ja tretiee et sa délivrance et des autres crestiens et jurée par le Soudan, pour la quele délivrance entre les autres choses li diz soudans devoit avoir grant somme d'argent et li devoit estre rendue Damiete, li diz Soudans fu ocis de ses sousmis. Après les queles choses, cil qui 1 orent ocis affermèrent moût forment devant le benoiet roy que une des causes pour quoi il avoient ocis le dit Soudan, estoit pour la desloiauté que il entendoit a fere contre le benoiet roy et contre les siens ; car il vouloit, si com il distrent, quant il eust eu la somme d'argent, ocirre par cruel mort le benoiet roy et les Crestiens qui avoient esté pris avecques lui, ja soit ce que les Crestiens eussent restabli Damiete ou non. Et que il deissent voir et que li Soudans entendist ce a fere, ce ' apparoit bien neis par autres choses : car li Soudans contreinst de jour en jour en toutes manières plus forment pluseurs chevaliers crestiens et autres que il tenoit en prison et encore destruist puis que il avoit donné son serement pour la dite délivrance. Des queles choses il apert que li consels vint de Dieu et l'empeechement de ceste desloiauté que li diz Soudanz soustint le jugement que il procuroit as autres. Et croit l'en et doit estre fermement creu que ' pour la grant bonté et pour la pacience et pour la charité que li benoiez rois avoit a son pueple et pour la grant amour qne il avoit envers Nostre Seigneur et pour la grant poour que il avoit que il ne feist aucune chose que il creust (jui a Dieu deust desplere et pour la sainte vie que il avoit tozjois menée et pour le propos que il avoit de bien fere, si com il aparoit du fet après, Nostre Sires ot pitié du benoiet roy et de ses frères et de ses autres genz ; et volt Nostre Sires aidier as ' autres crestiens pris de çic. z et de nouvel \ et esclaves entre les mains des anemis de la foy pour l'essaucement du non de Jhesu Crist, et volt encore aidier au benoiet roi pour aemplir sa bonne volenté cjue il avoit demoustree après sa délivrance tout le tens de sa vi(\